Plantun de Prouvènço

Pèr coumpara dos planto d'encò nostre

Grimmia pulvinata & Aegilops geniculata

Grimmia pulvinata

Grimmiaceae

Nom en français : Grimmie en coussin.

Descripcioun :
Aquesto mousso tras que coumuno dóu gènre Grimmia trachis en couissin gris e redoun sus li roucas cauquié o séusous. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia orbicularis, un pau mens coumuno, bonodi soun urno acabado emé uno pouncho (redouno pèr Grimmia orbicularis) e subretout au microuscope que si celulo de baso de fueio soun à bord torso e quàsi carrado (aleva contro la costo) alor que soun 4 à 8 cop pu longo que larjo pèr Grimmia orbicularis. Coumpara emé la grimìo-di-boursèu-redoun que ié sèmblo proun.

Port : Acroucarpo
Taio : 1 à 2 cm
Fueio : 2 à 3 mm
Tipe bioulougico :
Cicle bioulougico : Planto renadivo

Gènre : Grimmia
Famiho : Grimmiaceae

Ordre : Grimmiales

Coulour de la flour :
Petalo : 0,2 à 0,4 cm
Ø (o loungour) flour : Dènt estrecho
Flourido : Printèms Ivèr

Sòu : Ca (Si)
Autour basso e auto : 50 à 2000 m
Aparado : Noun
Mars à mai

Liò : Roco - Muraio - Paret
Estànci : Mesoumediterran à Subaupen
Couroulougi : Oulartico
Ref. sc. : Grimmia pulvinata (Hedw.) Sm., 1807

Blad-dóu-diable(-óuvale)

Aegilops geniculata

Poaceae Graminaceae

Àutri noum : Blad-dóu-diable, Blad-de-cougiéu, Trauco-sa, Blad-de-couguou.

Noms en français : Égilope ovale, Égilope à inflorescence ovale.

Descripcioun :
Aquéu blad-dóu-diable, emé si lònguis arèsto trachis dins li tepiero seco e lis armas secarous. Es uno planto peludo d'en pertout emé de fueio rufo e uno lengueto facho de péu (fotò). L'espigo èi courteto, roundo e caup 2 à 3 espigueto emé à la baso un (de cop dous) avourtoun (fotò). Aegilops neglecta ié sèmblo proun, mai èi pu prim e mai long (espigo de 4 à 6 cm) emé de glumo, pèr l'espigueto d'en bas, de 2 o 3 arèsto (i'a tambèn 2 à 4 avourtoun) .

Usanço :
Li blad-dóu-diable soun proche dis àvi fèr de nòsti blad cultiva. Soun adounc bon à manja, mai sara un pau long pèr n'en acampa li grano. Èron acampa en Sicilo à passa tèms.

Port : Erbo
Taio : 10 à 40 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Aegilops
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 3 cm
Flourido : Printèms - Estiéu

Sòu : Ca (Si)
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Champ - Ermas
Estànci : Termoumediterran à Mountagnard
Couroulougi : Mediterranenco-Touranieno
Ref. sc. : Aegilops geniculata Roth, 1797 (= Aegilops ovata L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Grimmia pulvinata & Aegilops geniculata

Coumpara Grimìo-en-couissin emé uno autro planto

Coumpara Blad-dóu-diable(-óuvale) emé uno autro planto